काठमाडौं । कोरोना संक्रमणको जोखिमका कारण केही समयदेखि बन्द रहेको चन्द्रगिरी केबलकार शनिवारदेखि सञ्चालनमा आउने भएको छ ।

कोरोना संक्रमणको जोखिम कायमै रहेकाले स्वास्थ्य मापदण्ड अपनाएर शनिबारदेखि केबुलकार पुनः सञ्चालन गर्न लागिएको चन्द्रगिरी हिल्सका महाप्रबन्धक अभिषेक विक्रम शाहले बताए ।

कोरोना संक्रमणका कारण स्थानीय प्रशासनले निषेधाज्ञा जारी गरेपछि चन्द्रगिरी हिल्सले आफ्नो सेवा रोकेको थियो ।

चन्द्रागिरि हिल्समा रहेको जीपलाइन पनि शनिवारदेखि नै सञ्चालन गरिने कम्पनीले जनाएको छ ।

यस्तै, आइतबारदेखि गोरखाको मनकामना केबलकार पनि सञ्चालन हुने भएको छ ।