काठमाडौं । नेकपा एमालेका सांसदहरुले ब्यवस्थापिका संसदको बैठक अवरुद्ध गरेका छन् ।

एमालेबाट कारबाही गरिएका सांसदहरु पनि बैठकमा उपस्थित भएको भन्दै एमालेले संसद बैठक अवरुद्ध गरेको हो ।

सभामुख अग्निप्रसाद सापकोटाले संसद बैठक शुरु गर्दै गर्दा एमाले सांसदहरुले होहल्ला गरी अवरोध गर्न खोजेका थिए ।

सभामुख सापकोटाले एमाले एमालेका प्रमुख सचेतक विशाल भट्टराईलाई बोल्ने समय दिएका थिए । भट्टराईले आफ्ना पार्टीबाट कारबाही गरिएका सांसदलाई बैठकमा उपस्थित गराएको भन्दै वैठक चल्न नदिने बताए । सभामुखले एमाले टुक्राउन खोजेको भन्दै सांसदहरुले उठेर अवरुद्ध गरेका थिए ।

भट्टराईले सम्बोधन गरेपछि सभामुख सापकोटाले बैठक अगाडि बढाउन खोजेपछि एमाले सांसदहरुले चर्को नाराबाजी र होहल्ला गरेका छन् ।
सांसदहरुले लागातार नाराबाजी गरेपछि सभामुख सापकोटाले १५ मिनेटका लागि बैठक स्थगित गरेका छन् ।