काठमाडौं । प्रधानमन्त्री तथा नेपाली कांग्रेसका सभापति शेरवहादुर देउवा र माओवादी केन्द्रका अध्यष पुष्पकमल दाहाल(प्रचण्ड) बीच वालुवाटारमा भेटवार्ता भएको छ । सरकार विस्तारमा सत्ता गठवन्धन दलहरुले नै अलमल गरिरहेका बेला प्रधानमन्त्री देउवाले गठबन्धन दलभित्रकै घटक माओवादी केन्द्रका अध्यक्ष पुष्पकमल दाहाल (प्रचण्ड) सग भेटवार्ता गरेका हुन् ।

सोमबार साँझपनि प्रधानमन्त्री देउवा र माओवादी अध्यक्ष प्रचण्डववीच ढेड घण्टा लामो छलफल भएको थियो । आज भने प्रधानमन्त्री देउवासँगको भेट अगाडी प्रचण्डले गठबन्धन दलकै अर्काे घटक नेकपा (एकीकृत समाजवादी)का अध्यक्ष माधव नेपाललाई नेपालको कोटेश्वरस्थित निवासमै पुगेर भेट गरेका थिए ।

५ दिन त्रिवि शिक्षण अस्पतालमा भर्ना भइ उपचाररत नेकपा एकीकृत समाजवादीका अध्यक्ष नेपाल सोमबार अस्पतालवाट डिश्चार्ज भएपछि प्रचण्ड–नेपालवीच भेटवार्ता भएको थियो । यो भेट सकेर प्रचण्ड सिधै बालुवाटार प्रधानमन्त्री देउवासागको छलफलका लागि पुगेका हुन् ।

प्रधानमन्त्री शेरवहादुर देउवाले मन्त्रिहरुको नाम पटक -पटक दिन आग्रह गरेपनि सत्ता गठवबन्धन दलभित्र मन्त्रालय भागवन्डा मिल्न नसक्दा मन्त्रिपरिषद् विस्तारमा दिढलाई हुँदै आएको थियो । यद्यपी, आइतबार गठवन्धन दलभित्रका कार्यदल तहमा मन्त्रालय भागवन्डा लगायत अन्य राजनीतिक नियुक्तिहरुका विषयमा केन्द्रीत रहेर छलफल भएको थियो।

बालुवाटारमा प्रधानमन्त्री देउवा र प्रचण्डवीचको भेटवार्ता अहिले पनि जारी छ । प्रधानमन्त्री सहित गठबन्धन दलका नेताहरुका वीचमा हुने अनौपचारिक सम्वादले सार्थकता पाए सम्भव भएसम्म आजै साँझ नभएपनि भोलि सम्म मनित्रपरिषद् विस्तार गर्ने योजनामा सत्ता गठवन्धन दलका नेताहरु जुटेका हुन् । दशैंमा नव निर्वाचित मन्त्रीहरुलाई स्वागत गर्ने गरी सरकारले पर्सि विहिवार घटस्थापना अगाडी नै मनित्रपरिषद् विस्तारको काम लाई पूर्णता दिने गरी अगाडी वढेका छन् ।