काठमाडौं । नेपाली कांग्रेसका बरिष्ठ नेता रामचन्द्र पौडेल समूहबाटै पार्टीको नयाँ नेतृत्वका लागि पाँच जना दाबेदार खडा भएका छन् ।

बरिष्ठ नेता पौडेलसहित प्रकाशमान सिंह, डा.शशांक कोइराला, शेखर कोइराला र कृष्ण सिटौला नेतृत्वका आकांक्षी छन् । ‘पौडेलले आफूलाई एक पटकका लागि सहयोग गर्न पनि आग्रह गरे । तर सबै नेताहरु पछि हट्ने संकेत गरेनन् ।’– बैठकमा सहभागी एक नेताले भने । पौडेलले आफूले सबैलाई मिलाएर लैजाने पनि पटक पटक दोहोर्याएका थिए ।

नेपाली काँग्रेसका वरिष्ठ नेता रामचन्द्र पौडेलसहित पाँच जनाले पार्टी नेतृत्वका लागि उम्मेदवारी दिने बताउँदै आएका छन् । सभापतिका लागि आफ्नो समूहबाट साझा उम्मेदवार बनाउने सहमति जुटाउन पौडेलले शुक्रबार आफ्नो समूहका नेताहरुको बैठक बोलाएका थिए ।

आफू निकटका केन्द्रीय सदस्यहरुको बैठकमा पौडेलले आफ्नो समूहबाट एक जनालाई छान्न आग्रह गरे । पाँचै जना आकांक्षी पछि हट्ने संकेत नदेखिएपछि पौडेलले आफूले पनि उम्मेदवारी दिने बताएका छन् । आफ्नो समूहबाट एक जनामा सहमति जुटेमा भने आफूले सहयोग गर्न तयार रहेको समेत पौडेलले प्रतिवद्धता जनाएका छन् ।

बैठकमा पौडेल पक्षका युवा नेताहरुले भने सबै जना मिलेर अघि बढ्न सुझाव दिएका थिए ।

पौडेल गुटमा मात्रै होइन, पार्टी सभापति शेरबहादुर देउवा गुट भित्रै पनि मतैक्यता रहँदै आएको छ । देउवा पक्षका नेता बिमलेन्द्र निधिले त महिनौअघि नै सभापतिको उम्मेदवार घोषणा गरी सम्पर्क कार्यालय नै स्थापना गरिसकेका छन् ।

निधिलाई फकाउन भन्दै विहीबार मात्रै देउवाले बालुवाटरमै आफू पक्षका नेताहरुसँग छलफल गरेका थिए ।

यो पनि पढ्नुस् ः

पौडेल प्यानलबाट शशांक कोइराला आउट