रौतहट । रौतहटको गरुडा नगरपालिका १ स्थित जयनगर सडक खण्डमा भारतीय नम्बर प्लेटको स्कारपियो दुर्घटना हुँदा चार जनाको मृत्यु भएको छ ।

गौरबाट गरुडातर्फ आउँदै गरेको बिआर ०५ पीए ६९५३ को भारतीय नम्बर प्लेटको स्करपियो दुर्घट्नामा अन्य तीन यात्रु घाइते भएका छन् । घाइते तीनै जनाको गौरमा नै उपचार भइरहेको छ ।

दुर्घटनामा घाइते भएका चारै जनाको उपचारको क्रममा मृत्यु भएको प्रहरी नायव उपरीक्षक सुनील मल्लले जानकारी दिए ।

भारतीय नम्बर प्लेटको स्करपियो मंगलबार दिउँसो सवा ४ बजे सडकबाट झण्डै २० फिट तल खसेको छ ।

मृतक सबै भारतीय नागरिक हुन सक्ने प्रहरीले जनाएको छ । मृतक चारै जनाको सनाखत हुँन बाँकी रहेको प्रहरीले जनाएको छ ।