काठमाडौं । स्थानीय वायु र प्रि-मनसुनको असरले शुक्रबार दिउँसोदेखि काठमाडौं उपत्यका परेको असिना-पानीले जनजीवन प्रभावित भएको छ ।

जल तथा मौसम पूर्वानुमान महाशाखाका अनुसार शुक्रबार दिउँसो, प्रदेश १, बागमती र गण्डकी प्रदेशका पहाडी भू-भागमा मेघगर्जन,चट्टयाङ्ग,हावाहुरी सहित असिना-पानी परेको हो।

प्रि मनसुनका कारण मेघगर्जन,चट्टयाङ्ग,हावाहुरी लगायतका गतिविधिहरु बढ्न सक्ने मौसम पूर्वानुमान महाशाखाका मौसमविद् पौडेलले बताए ।