इन्धनको मूल्य बढाएको भन्दै प्रधानमन्त्रीको पुत्लादहन (फोटोफिचर)

मूल्यवृद्धिको चौतर्फी विरोध

इन्धनको मूल्य बढाएको भन्दै प्रधानमन्त्रीको पुत्लादहन (फोटोफिचर)

मेरोन्यूज २०७८ कार्तिक २५ गते १७:४२

काठमाडौं । पेट्रोलियम पदार्थको मूल्यवृद्धिको विरोधमा नेकपा एमालेनिकट विद्यार्थी संगठन अनेरास्ववियुले काठमाडौंमा विरोध प्रदर्शन गरेको छ ।

काठमाडौंको रत्नराज्य क्याम्पसको गेटअगाडिबाट विद्यार्थीहरुले प्रदर्शन गरेका थिए । पटक पटक इन्धनको मूल्य बढाएको भन्दै आन्दोलित विद्यार्थीहरुले प्रधानमन्त्री शेरबहादुर देउवाको पुत्लादहन गरेका छन् ।

विद्यार्थीहरुले पुत्लादहन गर्ने क्रममा प्रहरीले क्याम्पस गेट भित्रै पसेर बल प्रयोग गरेको थियो ।

प्रधानमन्त्रीको पुत्ला बोकेर निस्किएका एमालेका विद्यार्थीहरुले ‘परमादेशको उपहार, मूल्यवृद्धि बारम्बार’ लेखिएका प्लेकार्डहरु बोकेका थिए । उनीहरुले तत्काल मूल्यवृद्धि फिर्ता नगरे आन्दोलन चर्काउने बताएका छन् ।

विहीबार नै सत्ता गठबन्धन निकट विद्यार्थीहरुले पनि विज्ञप्ति जारी गर्दै मूल्यवृद्धि अबिलम्ब फिर्ता गर्न माग गरेका छन् ।

विरोध कार्यक्रममा संक्षिप्त बोल्दै अनेरास्ववियुका वरिष्ठ उपाध्यक्ष आरसी लामिछानेले मुल्यवृद्धि फिर्ता नलिएमा आन्दोलन जारी राख्ने बताए ।

उनले १२ घण्टाभित्र मुल्यवृद्धि फिर्ता नगरिएमा सरकारकै बर्हिगमनको निम्ति आन्दोलन गर्ने चेतावनी दिए ।

नेपाल आयल निगमले बुधवार रातिदेखि लागू हुनेगरी डिजेल तथा पेट्रोलमा ३/३ रुपैयाँ र एलपी ग्याँसमा ७५ रुपैयाँ प्रतिसिलिण्डर मुल्यवृद्धि गरेको थियो ।