काठमाडौं । केही दिनयता कोरोना संक्रमण दर ह्वात्तै बढेसँगै शेयर बजारमा गिरावट आउन थालेको छ ।

नेपाल स्टक एक्सचेञ्ज (नेप्से)मा साताको कारोबारका चौथो दिन बुधबार नेप्से दोहोरो अंकले घटेको छ । नेप्से ३०.५१ अंकले घटेर दुई हजार ८ सय ३ दशमलब ६२ विन्दुमा पुगेको नेपाल स्टक एक्सचेन्जले जनाएको छ ।

बुधबार कारोबार रकममा भने वृद्धि भएको छ । बुधबार ८ अर्ब ३ करोड ३२ लाख बराबरको कारोबार भएको छ ।

बुधबार कर्पोरेट विकास बैंक, नेपाल इन्फाइन्ट्रक्चर बैंक, नारायणी डेभलपमेन्ट बैंक र मध्यभोटेकोशी जलविद्युत कम्पनी कम्पनीको शेयरमूल्यमा उच्च वृद्धि भएको छ ।

यस्तै, कारोबारको आधारमा आज सबैभन्दा बढी कारोबार नेपाल बङ्गलादेश बैंकको भएको छ । यस कम्पनीको २८ करोड ६९ लाख भन्दा बढीको कारोबार भएको छ ।