काठमाडौँ । अर्जेन्टिनी फुटबल स्टार लियोनल मेस्सीले लिग वानमा दोस्रो गोल गर्दा पेरिस सेन्ड जर्मेन (पीएसजी)ले १३ अंकको अग्रता बनाएको छ । आइतबार राति लिललाई ५–१ ले पराजित गर्दा मेस्सीले गोल गरेका थिए ।

पीएसजीको यो सिजनको १७ औं जित हो । पीएसजीको जितमा डानिलो परेइराले दुई गोल गरे । यस्तै, प्रेस्नेल किमपेम्बे, लियोनल मेस्सी र केलियन एम्बाप्पे एक–एक गोल गरे ।

यता लिलका लागि बाट्म्यानले गोल गरे । जितपछि पीएसजीले २३ खेलबाट ५६ अंक जोडेको छ । समान खेलबाट लिल ३२ अंकसहित ११ औँ स्थानमा छन ।

दोस्रो स्थानमा मार्सेइली समान खेलबाट ४३ अंकसहित दोस्रो स्थानमा छ ।