धादिङ । जिल्लाको नीलकण्ठ नगरपालिका ६ भोर्लेमा कांग्रेस र माओवादी कार्यकर्ताबीच झडप भएको छ । गएराति भएको झडपमा परी २० जनाभन्दा बढी घाइते भएका छन् ।

झडपमा नेपाली कांग्रेसका वडाध्यक्ष उम्मेदवार भुपेन्द्र कुमार श्रेष्ठ गम्भीर घाइते भएका छन् । उनको शरीरमा विभिन्न भागको चोट लागेको छ । घाइतेको जिल्ला अस्पतालमा उपचार भइरहेको छ ।

चुनावको मौन अवधिमा दुवै पार्टीका नेता तथा कार्यकर्ता चुनावी प्रचारप्रसारमा हिँड्दा जम्का भेट भएपछि आक्रमण भएको हो ।

धादिङमा कांग्रेस, माओवादी केन्द्र र एकीकृत समाजवादीबीच तालमेल भएको छ । नीलकण्ठ नगरपालिकामा मेयर नेपाली कांग्रेस र उपमेयर माओवादी केन्द्रले पाएको छ । तर, दलहरूले नीलकण्ठ ६ मा आ–आफ्नै उम्मेदवार उठाएका छन् ।