काठमाडौं । त्रिभुवन अन्तराष्ट्रिय विमानस्थल नागरिक उडड्यन प्राधिकरणले सम्पर्कविहीन ९ एन एइटी कलसाइनको तारा एयरको विमान खोज्न उडेको नेपाली सेनाको हेलिकप्टर नर्सिङ गुम्बा नजिककैको खोलाको किनारमा अवतरण गरेको छ ।

प्रतिकुल मौसमका भएपनि सेनाको हेलिकप्टर पहिलो पटक त्यस क्षेत्रमा अवतरण गरको जनाइएको छ। हेलिकप्टर अवतरण गरेर खोजी कार्य गरिरहेको छ।

त्रिभुवन अन्तराष्ट्रिय विमानस्थल नागरिक उडड्यन प्राधिकरणका महाप्रबन्धक प्रेमनाथ ठाकुरले नेपाली सेनाको हेलिकप्टर १० जना सैनिक र दुई जना प्राधिकरणका कर्मचारीसहित नर्सिङ गुम्बा नजिककैको खोलाको किनारमा अवतरण गराइएको जानकारी दिए।

उनका अनुसार सम्पर्कविहीन जहाजका क्याप्टेन प्रभाकर घिमिरेको मोबाइलमा रिंगटोन गइरहेको र नेपाल टेलिकमबाट त्यसलाई ट्रयाकिङ गर्दा उक्त मोबाइल नार्सिङ गुम्बाको आसपासमा रहेको अनुमानमा भरमा नेपाली सेनाको हेलिकप्टर त्यही अवतरण गरेको हो।

पोखराबाट जोमसोमका लागि आज बिहान ९ बजेर ५५ मिनेटमा उडेको तारा एयरको ९ एन एइटी कलसाइनको टुइ अटर सम्पर्कविहीन छ। चालक दलसहित २२ यात्रुहरु रहेको उक्त विमान निर्धारित समय अनुसार १० बजेर १५ मिनेटमा जोमसोम विमानस्थलमा अवतरण गर्नुपर्ने थियो।

क्याप्टेन प्रभाकर घिमिरेको कमाण्डमा उडेको उक्त विमानको चालक दलका अन्य सदस्यमा को पाइलट उत्सव पोखरेल र एयर परिचारिका किस्मी थापा छिन्। विमानमा चालक दलका सदस्यबाहेक १९ जना यात्रुहरु सवार छन्।