अर्थमन्त्रीको कार्यभार देउवालाई

मेरोन्यूज २०७९ असार २२ गते २०:००

काठमाडौं । जनार्दन शर्माले राजीनामा दिएसँगै अर्थमन्त्रालयको जिम्मेवारी प्रधानमन्त्री शेर बहादुर देउवाले पाएका छन् ।

बुधबार शर्माले राजीनामा दिएसँगै राष्ट्रपति विद्यादेवी भण्डारीले प्रधानमन्त्री दउवालाई अर्थमन्त्री तोकेको हो ।

विज्ञप्तिमा उल्लेख छ, ‘सम्माननीय राष्ट्रपति श्रीमती विद्यादेवी भण्डारीज्यूले मौजुदा मन्त्रिपरिषद्का माननीय अर्थ मन्त्री श्री जनार्दन शर्माले नेपालको संविधानको धारा ७७ को उपधारा (२) को खण्ड (क) बमोजिम मन्त्री पदबाट राजीनामा दिनुभएकोले सम्माननीय प्रधानमन्त्रीज्यूको सिफारिसमा अर्थ मन्त्रालयको कार्यभार सम्माननीय प्रधानमन्त्री श्री शेरबहादुर देउवाज्यूले सम्हाल्ने गरी तोक्नुभएको छ ।’

देउवाले रक्षा मन्त्रालय पनि सम्हाल्दै आएका छन् । मिनेन्द्र रिजाल ले काङ्ग्रेसको आन्तरिक चुनाब मा पराजित भए पछि राजीनामा दिएका थिए ।