काठमाडौँ । पछिल्लो २४ घण्टामा देशभर दुई हजार ४२१ जनामा कोरोना भाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयदे दिएको जानकारी अनुसार ७४६१ पिसिआर परीक्षणमा १५११ र ४९५३ जनाको एन्टिजेन परीक्षणमा ९१० जनामा कोरोना पुष्टि भएको हो ।

सोही अवधिमा कोरोनाबाट थप ८१ जनाको मृत्यु भएको छ । जसमा पछिल्लो २४ घण्टामा ५२ जनाको मृत्यु भएको हो भने बाँकी २९ जना पहिलेको तथ्यांकमा समावेश नभएका मन्त्रालयले जनाएको छ ।

यस्तै, पछिल्लो २४ घण्टामा ३५५८ जना संक्रमणमुक्त भएका छन् । देशभर सक्रिय संक्रमितको संख्या ५० हजार ५२० रहेको छ ।