काठमाडौं । शेयर कारोबार मापक बजार परिसूचकले आइतबार ऐतिहासिक रेकर्ड कायम गरेको ठीक उल्टो सोमबार उच्च वृद्धि भएको छ ।

सोमबार नेप्से परिसूचक ५ दशमलब ७४ प्रतिशत अर्थात १ सय ६१ दशमलब ९४ अंकले बढेको हो । यो हालसम्मकै उच्च अंकको वृद्धि हो ।

सोमबार कारोबारमा आएका २ सय २४ कम्पनीका १ लाख ९ हजार १ सय ८२ कारोबारबाट ९ अर्ब ८२ करोड ६२ लाख २२ हजार ८ सय ७ रुपैयाँ बराबरको १ करोड ७९ लाख २२ हजार ५ सय ८८ कित्ता शेयर किनबेच भएको स्टक एक्सचेञ्जले जनाएको छ ।

कारोबार मध्ये अरुण भ्याली हाइड्रोको सबैभन्दा धेरै ४६ करोड ३० लाखको कारोबार भएको छ ।

त्यस्तै, हिमालयन डिस्टिलरीको २६ करोड ८८ लाख , अपर तामाकोशीको २४ करोड ९२ लाख तथा नेशनल हाइड्रोको १९ करोड ९९ लाख बराबरको कारोबार भएको छ ।

सोमबार कारोबारमा आएका सबै समुहगत सूचक बढेका छन् । जसमध्ये विकास बैंक समुह ९ दशमलब ९२ प्रतिशत, फाइनान्स समुह ९ दशमलब ३४ प्रतिशत र तथा हाइड्रो पावर समुह ९ दशमलब ११ प्रतिशतले बढेको छ । आज कारोबारमा आएका सबै १ सय ८५ कम्पनीको मूल्य बढेको स्टक एक्सचेञ्जले जनाएको छ ।

यो पनि पढ्नुहोस्

नेप्सेमा इतिहासकै ठूलो गिरावटसँगै सर्किट ब्रेक