काठमाडौँ । पाकिस्तानको कब्जामा रहेको गिलगिट–बाल्टिस्तानको घाँचे जिल्लाको सियाचेनमा सेनाको उड्डयन हेलिकप्टर दुर्घटना हुँदा दुई पाकिस्तानी पाइलटको मृत्यु भएको छ ।

इन्टर–सर्भिस पब्लिक रिलेसन (आइएसपीआर)का अनुसार पाइलटहरू मेजर इरफान बर्चा र मेजर राजा जिशान जहानजेब थिए । दुर्घटनापछि खोजी र उद्धार हेलिकप्टर र सेनाको टोली घटनास्थलमा पुगेको छ । आइएसपीआरले दुर्घटनाको कारण बताएको छैन ।

जीबी मुख्यमन्त्री खालिद खुर्शीद खानले विज्ञप्तिमार्फत् घटनाबारे शोक व्यक्त गर्दै पीडित परिवारप्रति समवेदना व्यक्त गरेका छन् ।