काठमाडौं । सशस्त्र प्रहरी बल नेपालको प्रवक्ताको जिम्मेवारी सशस्त्र प्रहरी नायव महानिरीक्षक (डिआईजी) मन्दिप श्रेष्ठलाई दिइएको छ ।

संगठनसँग सम्बन्धित सूचना तथा जानकारी, संगठनको कार्यक्षेत्र भित्रका समाचारहरु तथा संगठनबाट सम्पादन भएका जनसरोकारका विषयहरु लगाएतका विभिन्न सूचनाहरु प्रवाह गर्ने जिम्मेवारी डिआईजी श्रेष्ठलाई दिइएको हो ।

डिआईजी श्रेष्ठलाई बुधबार एक कार्यक्रमकाबीच सशस्त्र प्रहरी नायव महानिरीक्षक (डिआईजी) राजु अर्यालले सो जिम्मेवारी बुझ- बुझारथ गरेका हुन् ।

त्यसअवसरमा डिआईजी अर्यालले उक्त जिम्मेवारी निर्वाहको क्रममा विभिन्न आम संचार माध्यम, विज्ञ संचारकर्मीहरु, विभिन्न संघसंस्था तथा निकायका विशिष्ट व्यक्तिहरुबाट प्राप्त भएको सहयोग, समन्वय तथा सहकार्यप्रती आभार प्रकट गरे ।