काठमाडौँ । कार्यबहाक प्रधानमन्त्री तथा गृहमन्त्री बालकृष्ण खाँणले पाँच दलको गठबन्धन आगामी निर्वाचनसम्म हुने बताएका छन् । उनले संविधान रक्षाका लागि पाँच दलको गठबन्धन आगामी निर्वाचनसम्म कायम हुने बताएका हुन् ।

रुपन्देही जिल्लाको तिलोत्तमास्थित आफ्नो निवास पुगेका उनले भने, ‘संविधानको रक्षा, जनताको चाहना र विश्वासलाई थप मजबुत बनाउन आगामी चुनावसम्म सत्ता गठबन्धन कायम रहन्छ ।’

उनले बेमौसमी वर्षाका कारण आएको बाढी, पहिरो तथा डुबानबाट भएको जनधनको क्षतिको उचित व्यवस्थापन गर्ने समेत बताएका थिए ।

अहिले गठबन्धनमा नेपाली कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी र राष्ट्रिय जनमोर्चा रहेको छ ।