काठमाडौँ । सुनचाँदी बजारमा आज छापावाल सुनको मूल्य प्रतितोलामा ८०० ले घटेर ९३ हजार तोकिएको छ । अघिल्लो दिन प्रतितोला ९३ हजार ८०० मा कारोबार भएको थियो ।

नेपाल सुनचाँदी व्यवसायी महासंघले सार्वजनिक गरेको विवरणानुसार तेजाबी सुनको आजको मूल्य प्रतितोला ९२ हजार ५०० कायम भएको छ । सोमबार प्रतितोला ९३ हजार ३०० तोकिएको थियो ।

यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १० रुपैयाँले घटेको छ । आज चाँदी एक हजार २३५ रुपैयाँमा कारोबार भएको छ ।