ब्राजिलका पूर्वराष्ट्रपति जायर बोल्सोनारोका निकट सहयोगी तथा पूर्वरक्षामन्त्री ब्रागा नेट्टो पक्राउ परेका छन् । ब्रागालाई सन् २०२२ मा भएको कथित ‘कू’ प्रयासको अनुसन्धानमा बाधा पुर्‍याएको आरोपमा शनिबार पक्राउ गरेको प्रहरी स्रोतले एएफपीलाई जानकारी दिएको छ ।

ब्राजिलको संघीय प्रहरीले अनुसन्धानमा बाधा पुर्‍याउने व्यक्तिहरूलाई नियन्त्रणमा लिएको जनाएको छ ।

गत नोभेम्बरको अन्त्यतिर प्रहरीले पूर्व दक्षिणपन्थी राष्ट्रपति बोल्सोनारो र दर्जनौँ सहयोगीलाई वामपन्थी लुइज इनासियो लुला डा. सिल्भाको सपथ ग्रहण रोक्न ‘कू’ को प्रयास गरेको आरोपमा अभियोग लगाउन सिफारिस गरेको थियो । यो सूचीमा नेट्टो पनि सामेल थिए सन् २०२२ को चुनावमा उनको प्रतिस्पर्धी पनि थिए ।