काठमाडौँ । सत्ता गठबन्धन दल नेकपा एकीकृत समाजवादीको केन्द्रीय कमिटीको दोस्रो पूर्ण बैठक आज बस्ने भएको छ । ललितपुर सानेपास्थित हेरिटेज गार्डेनमा आयोजना भएको बैठकमा पार्टी अध्यक्ष माधवकुमार नेपालले उद्घाटन गरेका थिए ।

आजको बैठकमा पार्टीको समसामयिक गतिविधि तथा मन्त्रीहरूको कामका विषयमा छलफल हुने भएको छ । बैठकमा पार्टीका विभिन्न आयोगले गरेका कामका बारेमा समेत छलफल हुने छ।

दुई दिनेसम्म चल्ने केन्द्रीय कमिटी बैठकका लागि पार्टीले शुक्रबार स्थायी समिति बैठक राखेर एजेण्डा तय गरिसकेको थियो । आजको बैठकमा केन्द्रीय अनुशासन आयोग, लेखा आयोग र निर्वाचन आयोगका पदाधिकारीलाई शपथ गराउने कार्यक्रम रहेका छ ।

त्यस्तै, बैठकमा प्रदेश १ र बागमती प्रदेशका मुख्यमन्त्रीबाट आगामी कार्य योजना पेस हुने छ ।